საქართველოს ოკუპირებული ტერიტორიების შემსწავლელი სამეცნიერო კვლევითი პროექტების ხელშეწყობისა და საერთაშორისო სამეცნიერო ღონისძიებების 2026 წლის საგრანტო კონკურსი

კონკურსის მიზანია ხელი შეუწყოს საქართველოს ოკუპირებული ტერიტორიების (მისი განუყოფელი ნაწილის – აფხაზეთის ავტონომიური რესპუბლიკისა და ცხინვალის რეგიონის (ყოფილი სამხრეთ ოსეთის ავტონომიური ოლქის ტერიტორიები) შემსწავლელი სამეცნიერო კვლევითი პროექტებისა და საერთაშორისო სამეცნიერო ღონისძიებების განხორციელებას.

საგრანტო კონკურსის ფარგლებში დაფინანსება გაიცემა ორ ლოტში:
ა) პირველი ლოტი - საქართველოს აფხაზეთის ავტონომიური რესპუბლიკისა და ცხინვალის რეგიონის (ყოფილი სამხრეთ ოსეთის ავტონომიური ოლქის ტერიტორიები) შემსწავლელი სამეცნიერო კვლევითი პროექტების განხორციელება;
ბ) მეორე ლოტი - საერთაშორისო სამეცნიერო ღონისძიებების ორგანიზება:  სეზონური სკოლები, კონფერენციები, კონგრესები, ფორუმები, სიმპოზიუმები.

კონკურსის შესახებ ინფორმაცია იხილეთ ბმულზე.

განაცხადის ფონდში წარდგენამდე, გთხოვთ 1 აპრილამდე info@iliauni.edu.ge-ზე გამოგზავნოთ განცხადება რექტორის სახელზე კონკურსში მონაწილეობის შესახებ და პროექტის ბიუჯეტი.