განათლების კვლევების ცენტრი ილიას სახელმწიფო უნივერსიტეტის ფაკულტეტშორისი ერთეულია, რომელიც განათლების სფეროში კვლევების განხორციელებასა და განათლებაში აქტუალური საკითხების შესახებ დისკუსიების ხელშეწყობას ისახავს მიზნად.

ცენტრი 2024 წელს შეიქმნა ორი ფაკულტეტის - ბიზნესის, ტექნოლოგიისა და განათლების ფაკულტეტის და მეცნიერებათა და ხელოვნების ფაკულტეტის - ერთობლივი ინიციატივით. მისი შექმნის მიზანი იყო ისეთი სივრცის შექმნა, სადაც განათლებაზე მომუშავე მკვლევრები, სტუდენტები, ანალიტიკოსები თუ პრაქტიკოსები ერთად იმუშავებენ ქვეყანაში და რეგიონში არსებულ საგანმანათლებლო გამოწვევებზე.

ცენტრის საქმიანობა - კვლევა და სწავლება

ცენტრი აერთიანებს კვლევით და საგანმანათლებლო საქმიანობას და ქმნის შესაძლებლობებს როგორც კვლევებისთვის, ასევე საგანმანათებლო პოლიტიკის ანალიზსა და  განათლების საკითხებზე ორიენტირებული საჯარო დისკუსიებისთვის.

ჩვენი ამოცანაა:

• ვაწარმოოთ სანდო და პრაქტიკულად გამოსადეგი კვლევები განათლების სფეროში
• წავახალისოთ ინტერდისციპლინური კვლევები და სისტემური ანალიზი განათლებაში
• ხელი შევუწყოთ კვლევაზე დაფუძნებული გადაწყვეტილებების მიღების კულტურის დამკვიდრებას
• შევქმნათ პროფესიული განვითარების სივრცე განათლების მკვლევრებისა და პრაქტიკოსებისთვის

ცენტრი მხარს უჭერს მაგისტრანტებისა და დოქტორანტების ჩართულობას განათლების კვლევებში.

რას ვაკეთებთ

• ვახორციელებთ კვლევებს განათლების პოლიტიკის, მართვის, სწავლა-სწავლებისა და ციფრული ტრანსფორმაციის მიმართულებით
• ვახორციელებთ ერთობლივ პროექტებს უნივერსიტეტებთან და კვლევით ცენტრებთან საქართველოში და მის ფარგლებს გარეთ
• ვქმნით სივრცეებს საჯარო დისკუსიებისთვის, მოსაზრებებისა და გამოცდილების გაზიარებისთვის განათლების სექტორში არსებული საკვანძო საკითხებისა და სიახლეების გარშემო.