CoARA Boost ინსტიტუციური პროექტის “Linking the Individual and Collective Responsibility: Transforming the Research Planning and Evaluation Culture“ ფარგლებში, ილიას სახელმწიფო უნივერსიტეტში გაიმართა საინფორმაციო შეხვედრები სხვადასხვა ფაკულტეტის აკადემიურ პერსონალთან.

შეხვედრების მიზანი იყო პროექტის მიზნების გაცნობა, კვლევის შეფასების რეფორმის აუცილებლობის ახსნა და დაგეგმილი აქტივობების წარდგენა. აკადემიურ პერსონალს მიეცა შესაძლებლობა გაეზიარებინა საკუთარი გამოცდილება, შეხედულებები და მოლოდინები არსებული შეფასების პრაქტიკებთან დაკავშირებით.

დისკუსიებმა ხელი შეუწყო CoARA-ს პრინციპების ცნობადობის ზრდას, ნდობის გაძლიერებას და საერთო ხედვის ჩამოყალიბებას კვლევის შეფასების უფრო მონაწილეობითი და ხარისხზე ორიენტირებული მიდგომების მნიშვნელობის შესახებ.

დისკუსია უკავშირდებოდა საქართველოში მიმდინარე უმაღლესი განათლების რეფორმას, რომლის კონტექსტშიც CoARA-ს პრინციპებზე დაფუძნებული მიდგომები განიხილებოდა როგორც პერსპექტიული და რელევანტური გზები კვლევის ხარისხის, გამჭვირვალობისა და ინსტიტუციური თანხვედრის გასაძლიერებლად.