საბუნებისმეტყველო განათლების აქტუალობა - მეორე (ROSES) არის 50-ზე მეტ ქვეყანაში თანამშრომლობითი კვლევითი პროექტის ROSE-ის მეორე რაუნდი. ის ეხება განზომილებებს, თუ როგორ არიან დაკავშირებული სავალდებულო განათლების ბოლო საფეხურზე მყოფი მოსწავლეები მეცნიერებასა და ტექნოლოგიასთან (S&T). ROSES-ის მიზანია შეაგროვოს და გააანალიზოს ინფორმაცია მოსწავლეებისგან რამდენიმე ფაქტორის შესახებ, რომლებიც გავლენას ახდენენ მათ დამოკიდებულებაზე S&T-ის მიმართ და მათ მოტივაციაზე, ისწავლონ საბუნებისმეტყველო მეცნიერებები.  კვლევა იძლევა ნათელ სურათს მოსწავლეების 
ინტერესების შესახებ სამეცნიერო თემების სხვადასხვა კონტექსტში სწავლის, შეხედულებებისა და დამოკიდებულების შესახებ საბუნებისმეტყველო მეცნიერებებისა და მეცნიერების მიმართ საზოგადოებაში, და გარემოსდაცვითი გამოწვევების მიმართ, შეხედულებების შესახებ სასკოლო საბუნებისმეტყველო მეცნიერებებისა და მისი გამოყენების შესახებ, ასევე სოციალური ქსელების შესახებ ყოველდღიურ ცხოვრებაში.

კვლევის ძირითადი ამოცანები შემდეგია:
● მონაცემთა შეგროვება და ანალიზი ROSES კითხვარის გამოყენებით
● ემპირიულად დაფუძნებული რეკომენდაციების შემუშავება საბუნებისმეტყველო კურიკულუმების, საბუნებისმეტყველო სახელმძღვანელოების და საკლასო აქტივობების გასაუმჯობესებლად.
● მეცნიერების აქტუალობასა და მნიშვნელობასთან დაკავშირებული საკითხების იდენტიფიცირება და მათი განხილვა საჯარო დებატებში, სამეცნიერო და საგანმანათლებლო კონტექსტში.

კვლევის ჯგუფი გეგმავს მონაცემების შეგროვებას სკოლებიდან (სახელმწიფო და კერძო), რომლებიც წარმოადგენენ სოფლისა და ქალაქების რეგიონებს მთელი საქართველოს მასშტაბით.

შემოთავაზებული კვლევის შედეგები მოგვაწვდის "მოსწავლეთა ხმებს" საბუნებისმეტყველო მეცნიერებების შესახებ,  მათი ინტერესების შესახებ სხვადასხვა S&T თემების სხვადასხვა კონტექსტში შესწავლის, მათი შეხედულებებისა და დამოკიდებულების შესახებ საბუნებისმეტყველო მეცნიერებებისა და მეცნიერების მიმართ საზოგადოებაში და მათი დამოკიდებულების შესახებ გარემოსდაცვითი გამოწვევების მიმართ.

კვლევის ფარგლებში შექმნილი ახალი ცოდნა გადაეცემა: ა. სტუდენტებს (პროექტის გუნდის ყველა წევრი ასწავლის უნივერსიტეტებში), ბ. მეცნიერებს, პუბლიკაციებითა და კონფერენციებზე პრეზენტაციებით, გ. საბუნებისმეტყველო მეცნიერებების მასწავლებლებს, სამუშაო შეხვედრებისა და პროექტის ბოლოს დაგეგმილი კონფერენციის მეშვეობით; დ. განათლებაში გადაწყვეტილების მიმღებსა და პოლიტიკის შემმუშავებელ პირებს, როგორიცაა განათლებისა და მეცნიერების სამინისტრო, ამ სფეროში მომუშავე საერთაშორისო და ადგილობრივი ორგანიზაციები; ე. ფართო აუდიტორიას, როგორიცაა მშობლები და სხვა დაინტერესებული პირები მედიასა და სოციალურ ქსელებში საჯარო დებატებში მონაწილეობით.
პროექტის შედეგები მასწავლებლებსა და პოლიტიკის შემქმნელებს საშუალებას მისცემს გააანალიზონ საბუნებისმეტყველო გაკვეთილების ყოველდღიური პრაქტიკა, ასევე საბუნებისმეტყველო კურიკულუმების შინაარსი. ეს ანალიზი გამოიწვევს დისკუსიებს მტკიცებულებებზე დაყრდნობით სტუდენტების მოტივაციის ამაღლების შესაძლო ცვლილებებზე. მოტივაციის ამაღლება ზრდის ინტერესსა და მიღწევებს საბუნებისმეტყველო საგნების მიმართ და აუმჯობესებს ახალგაზრდა თაობის შესაძლებლობებს კარიერაში და შემდგომ განათლებაში მეცნიერებასა და ტექნოლოგიაში.